يا عروسٍ به تهيضت.. الاشعار
تجلي هموم القلب.. جلسة شفاها
تعانق خروف الشعر سحب الامطار
وتلقى بها.. النفس الحزينه.. دواها
ويرتاح به قلب تعنيه الاكدار
وانسى ليالي الهم وانسى شقاها
ويسج بالي عن كثيرات الأفكار
فيني ترد الروح شمة هواها
يازين وديانه بها نبع الاثمار
ويازين شوف المزن يملا سماها
وقبل المغيب تعانق الطير الاوكار
وتعزف.. من الالحان اعذب شجاها
والى أظلمت تروق لي شبة النار
حول الضباب.. اللي يغطي سماها
ودلالي الصفر ابها..بن وبهار
ببري عليل القلب.. ريحة شذاها
مع رفقة نمضي مع الليل.. سمار
في جلسة ننسى الحياة وعناها
ولاهب نسناس الهوى وقت الاسحار
اتابع النسمات.. بأعلى هداها
اشم كاديها.. وعطرها والازهار
ويروي ضما نفسي شربي لماها
وانساك يا وقت به العفل يحتار
وانسى صواديف.. الليالي وبلاها
وامتع اعيوني.. بطلعات الاقمار
وانساك يا دنيا شقى من بغاها
بالطائف المانوس ياورق الاشجار
لجل المها ارضك تزايد غلاها
احبها وغليت لعيونها الدار
ولو تفتديها الروح لاما كفاها
