بداية صيف والطائف بدى يستقبل الزوار
مصيف المملكه ما فيه لا شكٍ ولاريبه
هو الأول هو الأول مصيفٍ ما عليه خيار
عروس للمصايف مشتهر والناس تدريبه
بساتين الهدى فيها الورود ونشوة الأزهار
وتضحك للشفاء ون زارها السائح تهلي به
هلا يا مرحباً ترحيبة الأمطار
يقول محافظ الطائف هلا مليون ترحيبه
تقدم من هل الطائف وتبقى للجميع إشعار
شعار الطيب يا طيبه ويا طيبه ويا طيبه
طلع نجم العروس وشعت الأنوار بالأنوار
وصار الطائف أحلى منطقة واهله تماريبه
جمالٍ بالطبيعة من جماله يلفت الأنظار
وموقعها قريبٍ من بلد مكه ومن طيبه
ترى الطائف من أيام قديمه منتدى الشعار
وسوق عكاظ يشهد ماضي التاريخ يحكي به
أنا مهما كتبت من القصيد وصافي الأشعار
عجزت اوفي حقوقه والقلم عجزت مكاتيبه
وصلى الله على خير العباد وصفوة الأخيار
عدد من حج بيت الله وعد اللي يصلي به
