|
هياب.. ما شاف ولاشيف
يا كود.. تكليمه وشوفه
نظرت له.. ساعة التعريف
نظرة شحيح.. لقى ضيوفه
دقايق.. شوفهن ضعيف
اقفت.. ولا هيب مخلوفه
ان كان لك يا علي تصريف
طول لنا.. ساعة وقوفه
لا يا بعد.. مرهفٍ ورهيف
حياتنا بدونك.. حسوفه
قد وخد.. وردف وريف
قلبي معه.. لو ما اشوفه
حلاه حلوٍ.. بلا تزييف
لا زيفت غيره.. زيوفه
طال انتظار الشتا والصيف
اعد.. ابي كامل وصوفه
ابيه.. لو كان به تكليف
دربه.. به النفس مكلوفه
نور البلد.. ما يبي توصيف
نيف على ظباه.. وخشوفه
يفدونه اهل البحر.. والسيف
هم كلهم.. فدوة كفوفه
|
الرياض- همام القحطاني
| 
