يا صاحبي.. والغياب ان طال وش يعني
غير التهاب الجروح وشيء ما اطيقه
ماهو بحق تولعني.. وتمنعني
يأخذ بي الشوق تغريبه وتشريقه
قام يتلاعب بقلبي لين قطعني
حسيت قلبي تخلى عن معاليقه!!
معاك حتى منام العين ودعني
وعليك قلبي رهين الحزن والضيقه
لو انت تسمع نحيبي كان مطلعني
من غفلة الشوق وحكاية طواريقه
قامت تكاثر هنا.. وهناك.. سنعني!؟
بعدك حتى قصيدي ناشف ريقه
يا جامع الزين ما فكرت تجمعني
ما تقبل النفس بعد الجمع تفريقه
حالي كذا والغياب ان طال وش يعني؟!
غير التهاب الجروح وشيء ما طيقه
