يا راكب اللي مثلها ما يشادي
يا كود هدس يفهم الدرب راعيه
الى انطلق سرحية مع حمادي
برقية المخبر لأمر بدا فيه
أحزب عليها لا يفك الشدادي
ترى المطرف من غراضك تخليه
لا صار بعيونه حمار وسوادي
ركابها ان ما حتكم غير ترميه
والى ركبناها نعرف المبادي
يم الرجال اللي عليها مشاريه
لا جيتهم كسبت كسب وكادي
كسبت كسب والدبش في مفاليه
طمعان انا باهل العلوم البعادي
واللي يناجي حرمته ما ندانيه
يذكر محمد مثل فرخ الهدادي
ما صح لي شوفه من العام باغيه
حر لياخوى على الصيد صادي
طير السعد ما هو على قدر راعيه
طير يصيد من كبار الثنادي
مانده الجيران واللي حواليه
كل يوم بيته مثل يوم العيادي
ذبح الغنم ما هو عن النيب مكفيه
ياما ذبح من عين وضحا سنادي
تباعت الراعي ولا مد تتليه
وعنيد الوا للعنيد المعادي
يا ما يدل الحق وهو قبل مغديه
شغله بربعه مثل شغل المهادي
والجار لو بين خماله يخفيه
واللي حكمهم بالهدى والقوادي
وافضل عليهم ربهم به وهاديه
طلع لهم ما هو خطات الهبادي
اللي يفرق لا بته ويش يدريه
وليا تحرق لينه بالهوادي
يعتازهم لمار ما هم حواليه
