يا بو جميل الوقت شانت ظروفه
ركايبه ما عاد تمشي بشفي
في كل يوم الها مغير ونكوفه
ولا أدري الليال المقبله وش تخفي
فكري معزب والروابع ضيوفه
مع كل بادي ليل بشراً اتزفي
بين الدقائق والثواني تحوفه
شياً وراء المعقول ربعه يكفي
واللي نشوفه بالزلامي تشوفه
أحداً يشب الليت وأحداً يطفي
راح الوفاء مغير تذكر وصوفه
وناسٍ مع الجره تفر وتلفي
ناسٍ عن النهج السليم معزوفه
يا ليتها عن نهجها تستكفي
واللي عن الماجوب يعطي كتوفه
عده ليا جات اللزوم امتوفي
لا صار ما تضمن بجنبك وقوفه
ما نته ابلاقٍ به ملاذٍ يدفي
وانا على الطيب كثير الحسوفه
وإلا الردي لا راح جعله يهفي
هفت حصاةٍ بالقليب محذوفه
نقصٍ بصفه قبل يصبح بصفي
واللي على المعروف تنداء كفوفه
نبعٍ على طول الدهر ما يجفي
هذاك لو يتعب خطاك مخلوفه
لا قبل بوجه المعرفه ما يقفي
اعطيت موجز والدروب معروفه
والمزن بالمنشاء بروقه ترفي
