حضرة الشاعر قصيدك مات من عهدٍ بعيد
ويوم شفت ابيات شعري تستفزك ماصبرت
شكلك تضايقت مني بس، هو هذا الأكيد..
من عقب ماشفتني بابيات شعري اشتهرت..
شاعره قبل اعرفك تدري ولافيها جديد..
مثل ماني لاكذبت ولا خدعت، ولا غدرت..
شاعره رغم انف رفضك وانزعاجك ياعنيد..
ان عذرت اسرار شعري والا جعلك ماعذرت
كثر تجريحك ولومك لي ترا هو مايفيد..
شف كتبت اشعار حلوه لاسرقت ولا كفرت
بس يكفيني اوامر.. لاتعيد ولا تزيد..
لاتظن انك مهم بدنيتي مهما امرت..
صعب اجي لك مثل ماتفكيرك الجامد يريد
كنت تبغاني على كيفك ولكن ماقدرت..
