اعظم علم بالكون وارض الجزيرة
دستوره القرآن والسيف مسلول
بالرايه الخضرا الخفوق الشهيره
رفرف ومدلوله بالأسلام مدلول
رفرف بدولة قايدين المسيره
صفوة ملوك الارض بالعرض والطول
من عهد ابو تركي لحامي قصيره
فهد ملكنا والعلم فوق محمول
في موكبه تسعى الجموع الغفيره
وتزهر تحت ظله ميادين وحقول
اعظم علم ما ينتقارن بغيره
مبني على التوحيد بالفعل والقول
هذا العلم سيف السلام وسفيره
هذا العلم ما يجهله غير مجهول
هذا العلم رمز البلاد الكبيره
بأذن الولي عن حزب الارهاب مكفول
هذا العلم في كل موقع وديره
هيبة وطن تحميه فرسان وخيول
هذا لعلم به هام راع البصيره
عبدالعزيز مطوع الصعب بسهول
وحد عشايرنا وصارت عشيره
شباب وشيوخ ونساوين وكهول
هذا العلم نور العيون السهيره
اللي لهم في ساحة المجد محصول
ابطال باطراف المساء والظهيره
لا همهمت للحرب طيران وطبول
حكم القدر راضين شره وخيره
طول الزمن ماها لهم بالزمن هول
يا دار نامي في ذراهم قريره
لا تسهرين ونايف الأمن مسؤول
