يفداه من حريمنا كل الازوال
اللي هذولي كلهن من خصاله
اللي حياته خدمة الزوج وعيال
يمضي نهاره تدهر مع عياله
مستوره ما طبت السوق تختال
زايد حياه وتستحي من ضلاله
اديبه ما تنقل القيل والقال
ما جابو الجيران سيرة مقاله
نظيفه مكانها يشرح البال
قدام بيته ما تشوف الزباله
تقيله ما تعرف بيجر وجوال
من حشمته دايم عليها جلاله
صبور ليامن الزمن والدهر مال
ماهي من اللي غرها كثر ماله
في مطبخه من «البصل» كحلها سال
تطبخ وتنفخ حي فاله لحاله
الزين ماهو مطلب بكل الاحوال
لا صار به شي يعوض بداله
ما زيفت في وجنته حبة الخال
ما تقص شعره «تضفره» بالبلاله
تستاهل التقدير منا والاجلال
حافظ عليها لا تدور بداله
