انا الغريب اللي دياري بعيده
وانا الذي في غربتي ما تهنيت
وانا الذي دايم ظروفي عنيده
عيّت تطاوعني على ما تمنيت
ما يوم انا عشت الحياة السعيده
وما يوم مر.. ارتحت به واستقريت
للحزن مع قلبي علاقة فريده
عشرة عمر معها كبرت وتربيت
رغم الجروح الماضيه والجديده
ورغم ابتعادي عن هل الحي والبيت
صابر وابصبر والمواجع عديده
عل وعسى يتغير الوضع ياليت
كلي أمل يا خذني الحظ بيده
كلي انا من غربة العمر مليت
يا سعود انا بيّنت لك في قصيده
قصة شقاي ويعلم الله ما أخفيت
