يقولون الزمن يجرح ولا به في الزمن مرتاح
وأنا أقول الزمن من هو يصيبه يصعب علاجه
شكا منه صغير السن والشايب ترى يا صاح
لواهيب الحشى تصلى وناره دوم وهاجه
صبرت ولا نفع صبري وزود بي كثير إجراح
ألا يا الله تعين الى سلك دربه ومنهاجه
ألا يا كثر ما عانيت من قسوة زمانٍ راح
صبرت إلين الله عليه عجل إفراجه
زمن قاسي وبشر أقسى وجيه كنها الأشباح
إذا منه تبسم لك تبسم لجل له حاجه
غرقت ولا قدرت أسبح وأنا قبلك ترى سباح
حذاري من البحر يا صاح لا من عليت أمواجه
