لا تنشد القلب يا محبوب عن همه
خله بهمه عساه يكفر ذنوبه
ترى همومه كثيره مالها يمه
وان غاب هاجس يجي هاجوس ينوبه
من كثر الاحزان شوف الحال منسمه
من كثرة هموم قلبه جاه غيبوبه
قلبي غدا مسكن لهموم هالامه
حتى من الهم كل الناس دريوبه
كل المصايب بوسط القلب ملتمه
تجمعت هالمصايب كلها نوبه
من طاح حظه عليه تكثر النمه
وكل الخلايق تعرف فلان وعيوبه
ومن قام حظه جميع اللي بغى لمه
لو شان ماضيه نال اليوم مطلوبه
ورجل مع الناس لاخوه ولا ذمه
لا حل طاريه كل قال والكوبه
خله يفارق عساه يطيح بمطمه
وارفع مقامك عنه لا تلتفت صوبه
ومن عز نفسه ترى ما فيه احد ذمه
وكرامة الرجل ستر له مثل ثوبه
ولا احد بمرتاح كل مغرقة همه
وكل على هاجسه يجر مسحوبه
عن الطمان ارتفع في عالي القمه
وامشي مع العز لو تتعبني دروبه
وضعيف النفس ماني رايح يمه
لو اني بشمس تحرقني بلا هوبه
ان كان ماهو كفو يرتاح عند امه
قدام بين الرجال يقل ما جوبه
