كل كتاب المشاعر يسهرون
عند من هو سامع ما نسمعه
لو يشوف الدمع في كل العيون
ما يفح حايرين الأدمعه
حافظ الأسرار لو مهما يكون
ما يشك ابه الفؤاد اللي معه
الوحيد اللي يشاركني السكون
ولو يفارقني شتاتي يجمعه
هذا هو الليل يا للي تصفعون
ما يفكر يسترف المسمعه
الصديق اللي حديثه ذو شجون
صادق الإحساس طيب مجمعه
المثل بالحرف ياللي تطعنون
طعنة بالظهر طعنة موجعه
الحبيب اللي توقعته حنون
صار ضدي ليت ربي يقطعه
ما هقيت الحب سوء بالظنون
وما خبر للشك عذر يشفعه
البحر بالعقل يا للي تبحرون
أبحروا بالعقل قبل الأشرعه
ساهر الأحزان دمعك لا يهون
اترك الضيقة وخلك بالسعه
آه يا ليلي عساهم يفهمون
السنه فيها فصول أربعه
بسأل الشعار واللي يكتبون
هو صحيح الجرح يلقى مصرعه
آه يا ليل المشاعر يا الحنون
خذ دموعي بس قلبي رجعه
كسرة الخاطر تراها ما تهون
يوم طاحت في هواك الأقنعه
