احسب اني دموعك .. ما تمالكتني
ودام منته بصفي منت الدّ الخصام
لا يجامل شعورك وان تصاعبتني
انسى كل المطالب عش معاي بسلام
ادري ان معقد بس لو عشتني
تعرف اني ربيع وتدري اني غمام
كان ما كان لومي كنت ما كنتني
كنت تعرف ولكن كنت تخشى الصدام
لا تجامل حبيبي كلما شفتني
هايج الموج والا نار قلبي ضرام
فضفض الجرح كانك خنتني خنتني
ما تفيد الايادي .. ما تصد السهام
قبل عامين لما زرتني لمتني
لي اجامل جروحك يوم طال الكلام
لكن اليوم دمعك فيه هاجمتني
تحسب الحب لعبة ساعة والسلام
ما ألومك لنك ما تفهمتني
وما اعذرك لأني من دموعك عدام
كنت ابيك لحياتي بس كفنتني
صرت ابيك لمماتي بس خنت العظام
لا تجامل حبيبي وان تصاعبتني
انسى كل المطالب عيش بس بسلام
