يطول الفراق ونار الاشواق موقودة
وانا ما اتناسى غايتي منتهى احلامي
يطول الفراق وغلطة الوقت مقصودة
قطع ما وصل من حبنا الخالد النامي
ما دام الوصال ابوابه اليوم مسدودة
اعيش الحياة اهموم واحزان واوهامي
ملكني حبيب فيه الاوصاف محمودة
جمع نادر الاوصاف بالشرق والشامي
ارى الليل بعيونه وارى الصبح بخدوده
واشوف القمر والشمس لا صار قدامي
ارى الموت بغيابه وارى العيش بوجوده
وانا العاشق المشتاق والمغرم الظامي
انا ما اقدر اكتب عنه بسطور محدوده
لانه على عرش الحسن شامخ سامي
احبه ما دام ان الثقة فيه موجوده
ولا هز باخرة الهوى موج الايامي
ابا اكتب قصيد وقصة ونثر وانشوده
وحتى تمل الكتب من حبر الاقلامي
مليك الجمال وكلمة الحق معدوده
ابا ارفع بها صوتي واوقع بالابهامي
