يا حمد واليال السود نعم الخوي
عملتني عن الصدقان شي كثير
وبان بالعين راع العيب هو والسوي
صرت اميّز بعيني عقب ماني ضرير
الليالي تحدثني بعزم القوي
لين ضاعت علوم اللي جعلته عشير
والله اني بناره يا حمد منكوى
ناسي العهد ما حسب لشيء كثير
يوم انا صاين العشرة بسلم بدوي
صنت عهد الصداقة ما عرفت المصير
صرت من كاس غدره يا حمد مرتوي
لين تاهت دروبي ما عرفت المسير
لين خلى حياتي والفناء مستوي
ما خذيت النصيحة ما سمعت النذير
اشهد ان الصداقة جرحها معنوي
ما تشافى طعونه لو لزمت السرير
خلتني يا عضيدي دايماً منطوي
وسط غربة وجفني كل ليلة سهير
وصار درب مشيته يا حمد ملتوي
الجهل ما يعقب كود شي خطير
بس يكفي كفاية كل شي طوي
وصرت اعرف الليالي والزمان المرير
يا حمد والليال السود نعم الخوي
درستني حياتي لين صرت الخبير
