غبتي ولون السعد في دنيتي غاب..
غاب الهنا عن دنيتي.. يوم غبتي..
صارت حياتي بين أحزان واتعاب..
ليتك مع بُعدك أبد ما تعبتي..
الحزن شفته فاتحٍ لجلي الباب..
دخَّلني وقفَّل علَّي.. يوم رحتي..
بين الأهل لكن غدو عندي أغراب..
ناديتلك لاشك لي ما استمعتي!
ما ارتحت بين اهلي وربعي والاصحاب..
أتذكرك يا شمس دنياً غربتي!!
جرحي تعمق داخل الروح.. ما طاب..
غابت حياتي كلها من رَحَلْتي..
وصارت حياتي قلب ضايق ومنصاب..
من يوم قمتي لين.. بالليل.. نمتي..
الله يجيبك يا بعد كل الاحباب..
واعلمك عن زود همي.. وكبتي..
