كل ما بالكون يستاهل حياتك
كل ما بالكون يستاهل تعيش
يا كبر حلمك ويا كثر امنياتك
لا تبددها من سنينك بطيش
الشعور بقوة الله في صلاتك
يجعل الاحساس في صدرك يجيش
اترك الاحزان واللي خافياتك
كثر ما يخفي من الارض الحشيش
ابتسم خل الرضا اجمل صفاتك
لا تعيش بنظرة مجاهد وجيش
ارسم الدنيا على بسمة شفاتك
ليش تحرمها من الاحساس ليش
لا تندم لو سحاب الصيف فاتك
بالشتا لابد ما يبتل ريش
دام راس عالي وعندك غناتك
عن جميع الناس لو تسكن عريش
قم معاي نطير لاجمل امنياتك
اعتلي فوق البشر دايم وعيش
