لا تسألين القلب عن سر نوحه
قلبي عليل ودنيته كذب وأوهام
لو تسألين القلب وش هي جروحه؟
كان امتلى قلبك معاناة وآلام
لا ترتجي مني الأمل والسموحه
جرحي نزف أيام وشهور وأعوام
أنا العليل اللى إلى زاد نوحه
أبكي بكا المظلوم والوقت ظلام
كنت أرتجي الفرحه وأراقب وضوحه
كنت أبني الآمال لابت منظام
كنت أرسم البسمه وأعلي صروحه
وأجمع بقايا فرح با القلب ما دام
كنت أنتظر همي يوقف نزوحه
ويرحم ونين القلب لا صاح ما نام
مسكين يا قلبي تهاوت طموحه
مسكين أنا المجروح بأسباب من لام
عنتني الدنيا بجيَّه وروحه
وتاهت عناويني وأنا حيل منظام
