البارحه..جو التعاليل له ناس
«كل على همه سرى» بالسواليف
وانا معاهم لكن البال محتاس
ما طاب لي خاطر ولا طاب لي كيف
كلٍ يسولف روحه بظل الاوناس
وانا عذابي ما يوفيه توصيف
ما طاب لي في جو الاوناس مجلاس
من همي اللي سبته من مواليف
همي.. حبيب الروح ملاَّك الاحساس
وهم المحبَّه ما يبي له تعاريف
وبعض العرب لو صابهم هم لاباس
وبعض العرب في نظرته ضامره شيف
ليت الغلا ما تفضحه عين.. ياناس
وليتك ترد اللي خذى البرد يا صيف
