يا الله إني طالبك يا إله العالمين
يا ولي الكون يا اللي على خلقه وكيل
تنصر الإسلام وترد كيد العابثين
الجناة اللي هدفهم يشبون الفتيل
زمرة الارهاب ما زعزعتنا من سنين
سذجن يخسون والله ما فيهم نبيل
شلةٍ تسعى لتشويه وضع المسلمين
فجروا بنفوسهم لأجل منبوذٍ دخيل
فعلكم نستنكره يا الطغاة الحاقدين
كلنا شعب وحكومة سوى ضد العميل
صف واحد ضدكم يا أهل الحقد الدفين
يا خوارج يا تلاميذ جحاد الجميل
كلنا في خندق الأمن جند مسلحين
أمننا ما خلخله راعي القلب العليل
ويلكم ثم ويلكم يا العصاة المفسدين
روسكم في ساحة العدل للسيف الصقيل
والعدالة سيفها في رقاب المجرمين
في رقاب اللي عن الحق ممشاهم يميل
مثل ما روعتوا الغافلين الآمنين
في بلادٍ عدلها وأمنها ماله مثيل
يسلم اللي دونها واقف للمعتدين
المليك بن المليك الأصيل بن الأصيل
خادم البيتين راع المكارم كل حين
سورنا حامي بلدنا عسى عمره طويل
ونائبه ولي عهده عضيده ما يلين
بالمواجه طيب الذكر عبدالله دليل
له مواقف لو أبى أعدها صدق ويقين
ينتهي حبر القلم ما ذكرت إلا القليل
سلم الله صاحب الراي والعقيل الرزين
لا تضارب رأي مع راي رايه ما يعيل
قائد القوات سلطان حماي العرين
قوته درع الوطن جيش وسلاح ثقيل
وسلم الله سيدي نايف القرم الذهين
يا عسى يحماه ويصونه الرب الجليل
أمننا بوجود نايف كما الحصن الحصين
عشرةٍ للمعتدي وختراقه مستحيل
