يا بلادنا نرخص لك الحال والمال
ونجعل لك الروح الزكيه هديه
دونك ودون أمنك نبا نرخص الحال
يقولها شعبك بروح زكيه
شعب يقف دونك على قلب رجال
قلب الزعيم اللي يقود الرعيه
فهد ملك شبه الجزيرة اللي قال
قوله صحيح وله عزوم قويه
يحكم بشرع الله عن الحق ما مال
ويمشي على سنة محمد نبيه
ويساعده بالحكم وافين الأفعال
أخوانه أهل الحكم والشاذليه
وشعب السعودية على ماضي الأجيال
أهل عهد صادق وأهل معنويه
وبلادنا دار المعزة والأبطال
دار السعود أهل العهود الوفيه
آل سعود مطوعة كل عيال
واللي برأسه نعرة جاهلية
ويا خادم البيتين حنا لك أعيال
وإلى مشيت الدرب نمشي سويه
نحفظ جزء عم ونقرى بالأنفال
والحاقد الحاسد حياته شقيه
