حماك الله يا دار تحت حكم أسرة آل سعود
من الغادر من الحاسد من الشيطان وأعوانه
إلا منه بدالك لازم فأنا حرس وجنود
نموت ولا يجي بك يا وطنا شر وخيانه
على الخاين تدور الدايرة هي والليالي السود
مذلة له على الدنيا وعقب الموت نيرانه
ولا ينكر هل المعروف رجال يجيب الفود
وهل المعروف هم سور البلد من شر عدوانه
حكمها معزى لين إنها عاشت بأمن وأرغود
وعشنا تحت أمانه بعد أمان الله سبحانه
وعقب معزي سعود فهد من أنسول أفهود
خذا من الشرع منهاج ودستوره بقرآنه
مشى فيصل وخالد بالعدالة وأمن المظهور
وأنا برجي عسى منزالهم في طيب أحنانه
وفهد خادم البيتين وهو ساس الكرم والجود
حما حده وفعله بان في حاجات جيرانه
ولي العهد عبدالله لنا درع وذري وأسنود
تهاب أحماه كل أعداه من سطوه وسلطانه
ولا منه وقف سلطان ياقف موقف معهود
وزير الدفاع وحامي أرضه وحدانه
أبو خالد زبون من ألتجا به عدّنا الماورد
كما غيث على الشعب السعودي هلت أمزانه
وعسى الله يحفظ اللي في ذراه أنجود من الملجود
يقود الأمن بجنود وحط الشعب بأعيانه
أبونا سيدي نايف إلا منه أحتمى البارود
على خصمه مضى سيفه وخصمه كثرت احزانه
لهم منا الولاء والعهد قبلي سابقين أجدود
ونفدي بالعمار وما ملكنا فهد وأخوانه
عسى من لامني في حبهم يعطي العمى والزود
بثلاث أيام والرابع انعزي فيه بزرانه
صلاة الله على محمد عدد ما هز نود عود
عدد من حج بيت الله سعى وطاف بأركانه
