يا بلادي وش يبي الارهاب منا
وش يبون الخارجين اعن العقيده
والصروح اللي على التقوى تبنى
والشرف والعز والامه المجيدة
التحام الشعب يخلف كل ضنا
والحماقة والخيانة ما تكيده
القيادة راسنا والجسم حنا
وكل من يكره وطنا ما نريده
في تلاحمنا يزول الغدر عنا
ومن يحاول شق وحدتنا نبيده
حانة الساعه وبالله استعنا
وأمة تحفظ كرامتها شهيده
حنا الأمن وحافظين الأمن منا
وكل منا الامن في عينه وبيده
سيدي في كل ما قلت أمتثلنا
وكل ما تطلب وتبيه وتعيده
الوطن يا سيدي والله وطنا
والريادة في قيادتنا الرشيده
العدل في عهدها الزاهر شملنا
وهي في تطبيق شرع الله الوحيده
كل منا عمه الخير وتهنا
والولا والحب يجري في وريده
والوطن لجدودنا وجدود أهلنا
ذرة اترابه على الحاسد بعيده
كل ما نطلب وجوده ونتمنى
ناجده بارض السعوديه السعيده
عاشت ابلاد الوفا زبن المجنا
والامن لاهل الامن بيت القصيده
