بسم الله ابداً واذكره باول القول
رب البشر منزل تبارك والانفال
وما قدر الرحمن لابد مفعول
والحمد للوالي على كل الاحوال
حب الوطن واجب وهو خير مدلول
على الوفا لاهل الوفا واهل الافعال
والشعر لا من صار جيد ومفتول
تعجب به قلوب وتطرب له رجال
من بعد هذا هاجس الشعر مشغول
وفي مدح نايف نادر الشعر ينهال
ياميرنا قدرك على الراس محمول
يا طيب السيرة ويا طيب الفال
ياميرنا يا اللي عن الأمن مسؤول
الشكر لك وافر على جزل الاعمال
حفظت أمن بلادنا عرض وطول
تسهر وشعبك نايم طيب البال
سيفك على المفسد مجرد ومسلول
وكفك على الباغي مجرب وقتال
وما به جريمة سجلت ضد مجهول
وبلادنا بالأمن مضرب للأمثال
ومحمد النايف له الشكر موصول
اللي على أمن البلد يتعب الحال
محبوب عند الشعب وافي ومقبول
له وقفة رجال وله همة ابطال
وله منطق بالطيب طيب ومعسول
وله فزعة منها الرجاجيل تهتال
وختامها وعداد ما هل هملول
الله يعز الدين في كل منزال
والمملكة عدوها دوم مفشول
واللي يعادي دولته نذل الانذال
وما ضرنا هرج مزور ومملول
من أهل الحسد والحقد والقيل والقال
وصلوا على الهادي وهو خير مرسول
عد الشجر وعداد ما هل همال
