دام الخطر وصل بلادي وأمانه
وشلون يالشعب السعودي تنامون
أصحوا ترى عز البشر في كيانه
واصحوا تراكم للمهالك تودون
اللي يخرب في يمينه مكانه
وشلون يالاسلام بالهون ترضون
عز الديار رجالها في زمانه
ولا بالمهونه شعبنا اليوم يرضون
من خرب دياري وزلزل مكانه
عليه نجد تضيق وانتم تشوفون
ما عمر من خرب يفلت عنانه
لابد من يوم يجي فيه ممهون
الأمن واجب والأمانة أمانة
ولا عمر من يؤمن على غيره يخون
يا أمة الإسلام بأي الديانه
يروع الأمن وانتم تشوفون
أعطوا الأدلة والأحاديث شانه
الأمن بالأوطان له دوم تدعون
حكامنا إلى ماسكينا عنانه
يشهد لهم تاريخ الإسلام بالعون
فهد حماكم بالأمن والأمانة
بعيونه الثنتين حارس وممنون
ولا يجازا أخو نوره بفعل الخيانة
ألي وفا معنا لزوما له نصون
وعبدالله أعطى الشعب كامل حنانه
فتح أبوابه للذي جوه يمشون
ما قال أبو متعب وفى به السانه
لوفا أبو متعب تراكم تشوفون
وسلطان سلطان البلاد أو ضمانه
أليا نوى الغادر بنا له يصدون
هذا أبو خالد ما رضى في هوانه
قايد زعيماً للمهمات مصيون
وان قلت نايف عندي اليوم شانه
شانه كبيراً عندنا اليوم ما يهون
رجل الأمن عز الأمن والأمانه
أبو سعود عز لمن جوه ينصون
نايف جعل بالامن كلاً بشأنه
آمن مؤمن بالأمن صار مأمون
وختامها بجاه رب الأمانة
يحرس بلادي ساكنة دوم بسكون
