من ديار أخوان مريم لديار أخوان نوره
أبعث أحر التعازي للملوك عيال وايل
الملوك اللي بوقت اللازمه دايم صبوره
ما تهاب الحرب والارهاب لاشبت فتايل
هم حماة المملكة بالطيب وسيوفٍ جسوره
وارثين الطيب من شيخٍ جمع شمل القبايل
الملك عبدالعزيز اللي فعايله مخبوره
يشهد الأقصى والأدنى عن فعايله الجزايل
وحّد الديره وعمّرها عسى الجنة قصوره
ما تكاسل عن شؤون المملكة قول وفعايل
تابع هدي الرسول المصطفى قايد صقوره
واعتلت به راية التوحيد من فوق الطوايل
درّس القرآن والسنّه وفسّر عن سطوره
وحارب البدعه وأهلها في قويّات الدلايل
وخلّف رجالٍ على الاسلام والديرة غيوره
الفهد سبع الجزيرة لانهض للحمل شايل
خادمٍ مكّة وطيبة والحرم دايم يزوره
مابخل عن قبلة الاسلام بأعمالٍ جلايل
جعل يبقى ذخر للديرة وتغرف من بحوره
المحنك والسياسي كاسبٍ كل الجمايل
والظفر عبدالله الشغموم مذكورٍ بشوره
الحكيم ابن الحكيم ابن الحمايل
راسيٍ مثل الجبال الشامخه صعبٍ عبوره
نجد تشهد له بطيبه والحرم وجبال حايل
ونائبه سلطان سمٍ للعدا شعشع بنوره
لاضرب يمناه يخضع كل غدارٍ وعايل
ما حصل للمملكة يا ملوكها صعبٍ مروره
من عبث بالمملكة ملزومٍ يقطّع وصايل
خاينين الدين والاسلام والذمّة فجوره
يدّعون الدين والاصلاح مير الفكر مايل
يرهبون المسلمين الغافلين بكل دوره
ويقتلون الأبرياء ما بين شيبان وعوايل
قادهم شيطانهم للشر وأمسى في حجوره
جعل يلقى في جهنم ما فعل في وسط فايل
خالف السنّة بتحريف الكتاب وبث زوره
وطاوعه جاهل ما يدري شرحها وشلون قايل
يا الخوارج خابرين الفعل من ماضي عصوره
مذهب التكفير مذهبكم ولا فيها بدايل
وينكم والقدس يبكي ما وصلتوا حول سوره
في بلاد الكفر مرباكم تبثّون الرذايل
مير نحمد ربّنا الوالي على خافي أموره
ما كتبه الله مقدّر مثل برّاق المخايل
صابرينٍ قانعينٍ والولي يجبر كسوره
الوطن يا أخوان نوره في ذراكم ما تمايل
الرياض يظل شامخ ينبت بروضه زهوره
والأمل يبقى مدام الشعب من نسل الأصايل
من ديار أخوان مريم لديار أخوان نوره
أبعث أحر التعازي للملوك عيال وايل
