مبروك لك يالجوف بعزٍ ونوماس
مبروك لسكاكا ولك يا ولدها
الفرحة اللي عندنا ما لها قياس
صار الوزير وجيتّه في وعدها
نشكر أبو فيصل على طول الأنفاس
وعبدالله اللي شار وبيده عمدها
مبروك لك مبروك يا رافع الراس
فيك الأمانة كل حي وجدها
دكتور وأنت بصفحة العلم نبراس
ترقى المعالي ولا يهمل جهدها
كم من مريض بدنيته شاف الاتعاس
بعد الولي العافية بك وجدها
الطيب فيك الطيب أصل ولك ساس
عادة أجدادك ما تخالف عهدها
الفرحة اللي يا حمد عمّت الناس
وفرحت لك الأطفال وهي في مهدها
هذا قليل الشكر مني بقرطاس
ومن الشمال عد المطر مع رعدها
