هذا رضا والكل منا يحييه
هذا رضا في قمة المجد شفناه
الطيّب اللي كلنا دوم نغليه
يستاهل التكريم والكل حياه
أفضل دفاع حاشه اليوم راعيه
جريدة الأهرام قالت عطاياه
بين العرب حاز اللقب صار حاويه
هذا قليل من كثير نتحراه
يا ما حلا درب به اليوم ماشيه
العز درب العز يا زين ممشاه
نقول أبو حازم عسى الله يقوّيه
هو مع رفاقه مجدهم ما نسيناه
المنتخب والليث قوّى مبانيه
ةالصخرة السمرا ترانا نسميه
اسم يسجّل وكل اليوم يقراه
ومن الإصابة نرجي الرب يشفيه
ةوخالد ولد سلطان ماحد بناسيه
هذا الأمير الفذ يا طيب مجناه
يا ما يمد ونعجز اليوم نحصيه
هو عزنا والليث هو ساس مبناه
عساه يسلم ليثنا دوم يعطيه
ومنا لأمير المجد ألف نهنّيه
أبو عبدالله ما ذخر في مساعيه
يا ما زرع واليوم حنّا حصدناه
والنادي اللي يطلب اليوم غاليه
الغالي المحبوب رجل عرفناه
ان راح رحنا وكلنا اليوم نقفيه
ربعه يبونه وصعب اليوم فرقاه
وهذي رسالة والجماهير ترجيه
يترك قرار ما نبي اليوم طرياه
