أول صحيفة سعودية تصدرعلى شبكة الانترنت
محاورة الأسبوع محاورة الأسبوع
الشاعر الكبير خلف هذال العتيبي عند عودته لميدان المحاورة تحاور مع الشاعر حبيب العازمي العتيبي وذلك في احتفالات المغترة التي يقيمها صاحب السمو الملكي الأمير فيصل بن خالد.. نختار من هذه المحاورة ما يلي: حبيّب يا مرحبا يا خلف هذال بعد انك وصلت المطار والطايره وقعت فالارض وانته بين ركابها مدري انت حاجز على العوده بالحجز أوكيه والا انتظار الله يأمن من العوده ويحمانا من اسبابها خلف ابك البقا يا حبيّب والليالي كنها في نهار الله يسلم ولد خالد هدايا الحج جينابها الطايره وقعت والحجز باقي مع طوال العمار تباشري يا عتيبه واكسري بقعاء بمشعابها حبيّب انته تقول الحقيقه والحقيقه ما عليها غبار لكن كل العلوم الباقيه عندك وأنا ادرابها دنياك هاذي يابو هذال والله ما عليها قرار لابد.. لابد ماشيب اللحى يلحق على أشنابها خلف لعبت لعبتك بالحيلات واستوليت كل الديار تضحك على اهل الشنب من طيب سيرتها وهندابها ابيك تمشي يمين ولا تعود بالمماشي يسار ما تطفي الفتنه إلا بعد ما يلسعك مشهابها حبيب يشهد لي الله تراني في حياتي ما لعبت القمار اضحك على الناس مير الناس عايشةٍ على اعصابها انا درست العلوم الطيبة واخذت منها اعتبار ادفن جنازة شهيد الحرب يا رجال بثيابها خلف خل الشهادة تصدق فالدفاتر والعقول الكبار احذر تحمل خطأ قومٍ على يمات محرابها وراهب يا ذا الجبل فالليل من قمتك يقدح شرار لابد من ساعةٍ تغدربك العدوان بأسرابها حبيب أدق وصفٍ عليه ينطبق فالحلق مثل الزرار والا حرامٍ على اسم القبيله ما اتعزوابها من قو الصوت المدافع يستر الله لا يطيح الجدار يا ذابحٍ حية الحره لابد الخوف من دابها زهران عون الله المطيري /بريدة
[للاتصال بنا] [الإعلانات] [الاشتراكات] [الأرشيف] [الجزيرة] توجه جميع المراسلات التحريرية والصحفية الى chief@al-jazirah.com عناية رئيس التحرير توجه جميع المراسلات الفنية الىadmin@al-jazirah.com عناية مدير وحدة الانترنتCopyright, 1997 - 2002 Al-janirah Corporation. All rights reserved
