أحمد الله هانت الصعبة وكل صعبة بعون الله ذليله
نورت مكة ومكة نورها طبع وعادة
من زمان منوره لو تسأل التاريخ حضرلك دليله
كعبه الله مشرقه فيها وتنصاها عبادة
وفي الشرائع أشعل الفرسان نور وزادوا أنوار الجميله
شعللوها لين غاب الليل وتوارى سواده
حققوا للوحدة الممتاز والممتاز للخيل الأصيله
واعتبر كل ما مضى كبوة جواد بلا إعادة
حققوا الأول وجاءوا الدرع ما تصعب عليهم مستحيله
وحطّوا الوحدة على رأس النوادي بالسيادة
قادهم للفوز رجّال قوي عزم وكل حمل يشيله
ما يهاب الصعب ولد ملوك يتحدى عناده
الأمير اللي سند ربعه وحط اللي قريب وينتمي له
كفو ابوفيصل زرع واليوم نجني من حصاده
مجد ياعبدالمجيد وفخر والأشعار في حقك قليله
أعرفك مايكبرك مدحي ولاتحتاج من مثلي شهادة
وسلمولي على الرئيس اللي مغطينا ومفرقنا جميله
ما بخل على الوحدة بماله وجهده واجتهاده
حاتم وحاتم كرم طائي وأفكاره جليله
والتواضع فيه وأخلاقه عسل سكر زيادة
عاش ابوفيصل ولد عبدالسلام وعاش قيله
يستحق المدح من حقق عن جمهوره مراده
ونائب الرئيس سندني كل معوجه وميله
كعكي اللي نضمن الفرحة إذا أعطوه القيادة
والنعم والله ببوعبدالله شروعه طويله
عبدللمعطي وهو من صدق من خيرة عباده
والقروني خل والوحدة يسميها خليله
حبته باخلاص وخالد عشقها عن فؤاده
صافي النية وابن آدم ترى قلبه دليله
ما عشق جمع الألوف ومقصده خدمة بلاده
بارز وموهوب يالله يا عسى أيامه نهيله
أثبت أنه صفقة الموسم وله حق الاشادة
وكبتن الفرسان حاتم لانوى شال الثقيله
والنعم والله بخيمي كله اصرار وإرادة
وفرقته فرسان جابوا الغاية بأقرب وسيلة
والمعالي عادة الفرسان دائم بالريادة
وأحمد الله واشكره في كل صبح وكل ليله
نادي الوحدة صعد والمجد له طبع وعادة
