راح الذي نبكي على قولته آه
واليوم كلٍ قالها في غيابه
أنا احمد اللي بأول الوقت قداه
على طريقٍ زوده بالحبابه
يا مسندي هذا طريقٍ سلكناه
وابن سعيد الله يخفف حسابه
أقولها ويلاه ويلاه ويلاه
كم قالها يشكي لمن هو درى به
خلا نعيمٍ زايلٍ خلف يمناه
ثم اشترى جنات ربٍ حضابه
يا رب يسكن منزلٍ فيه نلقاه
جنات عدنٍ في نعيم الصحابه
يا جر قلبي جر ساعة دفناه
لا من قريب له نعزي مصابه
من شاف جمع الناس واللي حضرناه
يقول ذا كل يعده قرابه
من حبه الرحمان فالناس تنصاه
والناس لابوخالد وكلٍ رضى به
يا سعد عين اللي يسوي سواياه
يرتاح في دنياه وداخل ترابه
