شف الصدفه قبل عامين في نفس المكان فراق
وبعد عامين في نفس المكان ألقاك وش جابك؟
تبسم قال للذكرى أجي في ملتقى العشاق
أجي في صمت وأتخيّل وجودك وأرفض غيابك
تخيلتك تناديني وجيتك والفضا بي ضاق
أنا ما لي حبيب إلا أنت لو كثروا لك أحبابك
أعرف إن الحروف كثار لو تكتب على الأوراق
وأرتبها عذر لرضاك ما تكفي على عتابك
ضحكت وقلت ما كل السحاب اللي معه براق
يجي منه المطر يسقي ثراك وينعش ترابك
أنا ما عاد يخدعني وهم وإلا سراب أشواق
تبيني حرف ما بين السطور بآخر كتابك
وصدقني أنا جيت المكان بسبتك مشتاق
على شان أحرقه وأنسى كرهت الحب بأسبابك
