|
شفتك وزاد بي الولع والشوق
وأنا قدام اشوفك براحه
يوم تفرحني ويوم اعوق
الله يرد القلب لأفراحه
فليت من قلبي ثمان عروق
وانا الشقي والناس مرتاحه
الحب له بأقصى الحشا صندوق
والقلب مغلاقه ومفتاحه
فكرت في العشاق والمعشوق
ناس صحيح وناس مزاحه
والله لوتاقف بوسط السوق
اربع دقايق وانت بالراحه
ان كان ما يبقى ولا مخلوق
يسري ولا يدري بمصباحه
تذبح بنحر وعاتق منتوق
وعيون للعشاق ذباحه
اللي قطع قلبي من المعلوق
ودموع عيني منه سفاحه
كل بطاروق الهوى له ذوق
يدري بمسراحه ومرواحه
قالوا لي انسى والشقى ملحوق
لكن دموع العين فضاحه
|
| 
