انت وضميرك ما بقا شي خافي
وش عاد باقي ما وضح في هوانا
اتعبت لك شعري بكل القوافي
واهديت لك قلبي بداية غلانا
واسهرت لك عيني بليل الخوافي
وادميت لك جرحي لساعة لقانا
ماظن شيٍ بيننا ما يشافي
نفس الشعور اللي تلعثم وجانا
انت الحبيب وبينهم صرت وافي
واحساس خافي واضحٍ في وفانا
جمر الغلا رمّد وصمتك جفافي
وش تنتظر والحب ضاوي سمانا
ذيك السنين الماضيه وانت غافي
لو طوّلت ما مات حبٍ غشانا
بس البلا قربك ومرّات جافي
لا انت القريب ولا انت منهو جفانا
احيان اشوفك جيت بالحب ضافي
واحيان اشوف الصد فجأه غزانا
انت وضميرك سوقني للتجافي
والا تعال وقولها لعذلانا
