قبل تطوى الصحف وتشد الرحالي
ودنا ناخذ مع القاف تعليله
الشعر كيفه مثل كيف الدلالي
عن معانيه الجزيله مانحيله
يابو زيد ابرشدك رشدي لحالي
جالس أهل الطيب مجلسهم فضيله
وخل عنك مجالس أهل القيل قالي
هم هل النمات مجلسهم رذيله
العمر يفنى وتفنيه الليالي
والأجل يدني ولا أدري وش بقي له
والوفا اخذ وعطا بين الرجالي
ومن عدا للمرجله يبغى عديله
أعرف ان في الوقت مرّ وفيه حالي
مانعيب الوقت عيب الوقت جيله
واعرف اني حرص لاحدٍ خيالي
واختلاف الدم في رموز الفصيله
واعرف اني ما ادعي لك بالكمالي
والضعافه ماهي لطيب وسيله
فيا سلام الله على محيي مجالي
الخوي اللي عجزت القى مثيله
الكفو شرواه ماننساه غالي
ولويطول البعد في قلبي مشيله
