الا وعذابي كلما بان نور وغاب
معي في غيابه مشهد الحزن ينعادي
اكابر واعاند مير طبع الهوى غلاب
يهز القلوب العاشقة جمع وافرادي
وانا كيف امنع خافقٍ بالزمن ما طاب
ليا قلت طاب امسي من الحزن مزتادي
فتح للهموم الواردة والهجوس الباب
ويلعبه الهاجوس صادر وورادي
على طاري اللي وصفها لنظر جذاب
يشع القمر من خدها نوره البادي
خذت عن سواها رونق الحسن والاعجاب
تشب القلوب بزينها اللي ماهو عادي
يا سلهمت من نجلها اللي كساها اهداب
احس بظلام الليل في عالمي سادي
يسود الظلام ويسري العاشق المنصاب
على دربه اللي كان سرداد مردادي
عذابي غلاها والغلا ما يريد اسباب
بعذري لو اني جيتها كلي مفادي
كفاية بعدها ما اتحمل جفا وعتاب
عساها تذكر ماضي الملح والزادي
على شأنها لبّست عذب القصيد ثياب
جميع البيوت اللي قديمات وجدادي
تشيب القوافي مير حبي لها ماشاب
اله كل لحظة داخل الروح ميلادي
