أربعين من الذهب شامخ كيانه
بالدروع وبالكؤوس وبالمعالي
أربعين من الذهب عاشق زمانه
من يلوم القلب في حب الهلالي
يكتبه تاريخ.. وتاريخه أمانه
بالرجال اللي عطوا عمر ومالي
ان ذكر له محفل يسرج حصانه
للسبق دام السبق أول وتالي
مايعيش الا اوله طبعه وشانه
الزعيم اللي رسم قوس الليالي
أسألوا اليابان لا جاه امتحانه
ما قوى يثنيه قيلٍ أو مقالي
لاصطفق موجه يصير الشام دانه
تشهد الدوحة عن افعال الرجالي
لا حضر خصمه يزود به اخفقاته
ممتطي صهوة جواده ما يبالي
أزرق مثل السما ثقل ورزانه
أبيضٍ مثل السحاب اللي سرى لي
يازعيم القرن يافارض مكانه
ماتوارى وان توارى دوم عالي
الخصم محبط وزايد به جنانه
مايزحزح لو فرض علمٍ خيالي
أربعين من الذهب كاسب رهانه
بالدروع وبالكؤوس وبالمعالي
