مع الأسف يا دنيتي كلي أحزان
من سبة الاصحاب يا كم بلوني
خلوني اشكي لوعة الهم حيران
اشكي ولكن ليتهم يسمعوني
اغرتني البسمة قولة اخوان
واثر الغدر في طبعهم واجرحوني
صار الوفا عيبي وانا صرت غلطان
في شرعهم يا ويلهم ما رحموني
مع الأسف وين المحبة والاحسان
وين الغلا دام القطاعه عطوني
خلوني ابكي والالم داخل حان
حسبي عليهم ربنا ما نصفوني
الله يجازي من تنكر ومن خان
واصحابي اللي في حياتي نسوني
وآخر كلامي ليت همي والاحزان
يسكن مع اللي في حياتي بلوني
