من غيّرك؟! خلاك تقسى علينا
من غيّرك يا منوة الروح قلي
من هجركم لا تحسب إن سلينا
لا مرني طيفك أرحّب وأهلي
كانه فراق الله يستر شقينا
وكانه تغلي يا بعد كل من لي
لا تترك المجروح يبكي حزينا
الجرح ينزف والمدامع تهلي
لا يخدعك من سمسر الحكي فينا
اللي يحكي العذل لا ما يملي
أبيك أنا يا شوق كانك تبينا
لا تسمع العاذل وخله يولي
محبتك بالقلب ماله وزينا
وانته معي دائم مثل وصف ظلي
من بدهم ما اخترت غيرك ضنينا
وغيرك ترى بالقلب ماله محلي
بحق المحبة يا حبيبي وفينا
وحق المحبة صرت عنه متخلي
كانك تبي فرقاي والله رضينا
حكم القدر له يوم لازم يحلي
