في ضامري عنوان«حرة» تحدي
أبا اكسر الاغلال واعيش حره
باصنع قراري وكل شيء بيدي
مليت من صبرٍ عطاني مضره
أهلي يدرون اني شاعره
بس ما يدرون في جرح الليال
يمنعوني من كتابة خاطره
مادروا اني من زمان بها المجال
آه.. لو يدرون اني«شاعره»
عندهم بتصير موتتنا.. حلال
بين رجوى الغريب وبين ضغط الاهل
لاحصل لي صعود ولاحصل لي نزول
يمه افهميني تراك ان ما فهمتيني
مافيه شخصٍ بها لدنيا بيسمعني
ماعدت انا طفلتك.. كبرت شوفيني
خليك يمي ترى الاطماع تتبعني
في عز ليل الشتا قعدت بلحالي
ما غير أنا وهاتفي والبوم و«الدوّه»
انطريبي يتصل بي واحدٍ غالي
وطفيت ليتي أخاف انشاف في ضوّه
أقلب الفيش.. أضافه عاطلٍ بالي
اموت واحيا وعقرب ساعتي توّه
شريت لي ثوبٍ على شان لقياك
والثوب راحت موضته مالبسته
وشريت عطرٍ مازهاني بلياك
اربع سنين بعلبته مالمسته
ودفتر قصيدٍ كل يوم يترجاك
مافيه يومٍ ماسهرت ودرسته
ما ارضى أخونك ولا ارضى اعيش منحرفه
ما هو عشانك.. عشان النفس والعالم
قفى يداري عضةٍ في ابهامه
وقفيت اداري عضةٍ في شفاتي
وكلٍ رحل يحمل بقايا غرامه
وراحت حياته يوم راحت حياتي
سمه قساوة قلب.. سمه صلابه
سمه لعانه.. سمه اللي تسميه
آه ياللي لغيره لاحشا ما حرصت
مودعٍ وسط كبدي من غيابه فري
ومن نهار الموادع بالفرح مارقصت
ولا كحلت العيون ولا لبست الزري
لا.. لاتقارن حب امك بحبي
اخاف من عينك تطيح الامومه
وان كان قلبي حقود الله يلعني
وان كان مالي شرف عساي للفاني
دموع عز ولا ابتسامة نذاله
دنياك مادامت لغيرك على الكيف
لا.. قال ردي لي ولا.. قال روحي
لا.. هو مريّحني ولاهوب مرتاح
ثم قلت وش تنطر حبيبي لهالحين؟
أثر يديني ما سكاتٍ كمومه
دنق علي وقال مامن مجالا
وقنعت يوم اني بالاسباب حققت
اليا ضحك جيته من الضحك كلي
والياسكت ضاعت جميع السواليف
ابتسامات شعرية من ديوان «عابرة سبيل»
يا خبلي الغايب.. متى ترد للعين
متى اشوفك او تجيني رساله
صحيح بالدنيا خبولٍ كثيرين
لكن خبالك يا حياتي لحاله
لي صاحبٍ منه تبي تطلع الروح
خبلٍ ومن هي مولعه فيه خبله
عامين المح له مع الجد ومزوح
واقول يا عنتر تناديك عبله
طال المدى ثم قلت انا اغليك يالوح
مجروحةٍ جرحٍ مخاطره عجله
دنق وقال انا من العام مجروح
واشر لجرحٍ مبطيٍ وسط رجله
