البارحه عن واقع الناس غيبت
ماحدٍ درى حتى هلي مادروبي
يا لحظ بسبابك تعبت وتعاقبت
مشاكلي سبتك من كل صوبي
طبعي وطبعك ماتوافق وذا ثبت
يا حظي اسلوبك مخالف اسلوبي
ان شفتني باروح للشرق غربت
وان شفتني شمال تقفي جنوبي
عز الله انك في شقايه تسببت
دايم على امري من سببك امغلوبي
لاشك انا بشكرك لو سبتك شبت
لو كان وصفك مثل وصف الذهوبي
مدى الدهر شكراً من السبت للسبت
لولاك ماسجيت كل الدروبي
لولاك ماعنيت حالي وجربت
وعرفت بالدنيا صدوق وكذوبي
علمتني بالصبر مهما تعذبت
وعلمتني بان اصدقائي اجيوبي
وعلمتني في البحر والمدن والخبت
درسن صعيب وللرجال امحبوبي
