الشعر له مقوماته والأغراض
مبينات بالأدب دورهن دور
والا مواضيعه طويلات وعراض
وابلغ كلام اللي من إحساس وشعور
له في خيال الشاعر المبدع رياض
رياض قفر بأول الوسم ممطور
معاصر الحاضر وقاري عن عكاظ
متسلح بالعلم والعلم له نور
من غيض يبدع وأكثر إن كان مهتاض
محمي عن الهزله وبالجزل مامور
ولما ورد ما يارد إرسوس وحياض
ميراده أنهار ومحيطات وبحور
لكن ندر من يطعم العلم بحماض
والمال يطلع له إدعايه وجمهور
ويقال مبدع ويتلاعب بالالفاظ
ويشاد له في بيت لو كان مكسور
أحدٍ ما يدري واحدٍ معرض إعراض
متحفظٍ ما دام ما ردله شور
ياقل منهو للأمانات حفاظ
إيهيمنون وسايد الوضع مخبور
واللي يصخر مهنته لأجل الأغراض
يباء يتحسف لانكشف كل مستور
