اتركيني في متاهات الدروب
ابتعد وانسى معاناة الرحيل
الامل شفتة تبسم للغروب
والسعادة غايبة رغم الدليل
والليالي عابسة وجهٍ شحوب
والخفايا قاتلة قلب عليل
والزمن حلمٍ بعينك لي كذوب
تكتب الايام فية المستحيل
رغبتي اكبر من معاناة وهروب
ماحتمل موقف يخليني ذليل
اتركيني اكتشف بعض العيوب
في حياتي في غرامي والخليل
من يحب بصدق لايمكن يتوب
كل شي بدنيتة يصبح جميل
اتركي شمعة عذابي بك تذوب
كل شي بدينتي عابر سبيل
بك فرح دنيا بك الخافق طروب
مالنا والحزن والهم الثقيل
اتركيني ارتحل بين الدروب
اتركيني دام شوقي لك قتيل
