يا أحلا البشاير.. يا بعد عمر نورة..
اسمك على اسمي.. يا بعد كل غالي..
يا أزكى نسايم هالوجود.. وزهوره..
من بسمتك حتى زماني صفا.. لي..
بدر السماء.. يا نورتي صار.. صورة..
لك يا شعاع النور.. وهج الليالي...
يا بهجه الخاطر.. وصادق شعوره..
ياكثر شوقٍ يالغلا.. لك.. طرالي..
كلما اخذني هاجسي في بحوره..
أو ضاق صدري.. صوتي أنتي.. دوالي..
الشوق يسابقني لكم في حضوره..
كل ما أجي لك.. طاب يالنور.. فالي..
لوالدينك قدر.. وأنتي فخورة..
في كل أهلك حايزين.. المعالي..
نفوسهم.. وقت الصعايب جسوره..
أهل الوفا في كل حال.. ومجالي..
أهلا.. وسهلا.. مرحبا بك.. يانوره..
يابسمه الدنيا.. ياراس مالي..
الحرف أعلن في قصيدي سروره..
يرعاك رحمان عزيز الجلالي..
