يا بلادٍ «خَصّها» الله بـ «تعميم» الرساله
ألف صلّى الله على اللي به انورتي.. وسَلّم
ما ترك عبدالعزيز - ْلحماك الاّ عياله
خيرة رجال الزمان الذي منهم تعلّم
كيف يغزل راية المجد.. بخيوط العداله
لين ما يبقى على الأرض مظلوم يتظلّم
والفهد دام الفهد شال حملك وارتكى له
فابشري.. لا فيه جايع.. ولا طِفْل يتأَلم
حافظٍ ربي دروبه عن ثْلُوم وْمِيَاله
وكل قاعٍ من سحابه: تِمَايل واتثلّم
كل شعبٍ غير شعبه تمنّى : ليتنا له
مير خص الله به المملكة يا اللي تحلّم
ما عرف كفّه الى من عطا غير الجزاله
وما عرف غير الجزاله لسانه لا تكلّم
