بكيت.. وهلت عيوني قصايد تجرح اوراقي
انا ما حس للابيات معنى قبل مابكيها!!
وزنت ابياتها باصدق شعور داخل اعماقي
ومن واقع معاناتي نظمت اجمل قوافيها
مشاوير التعب طالت كفى يا رحلة اشواقي
مراكب حلمي الوردي متى توصل موانيها؟!!
صحيح الحزن من بدري سكن واستوطن احداقي
ولكن صفحة احزاني عسى الايام تطويها
غروب الحظ مليته وانا ارقب لحظة اشراقي
سرى عمري وانا واقف مكاني في حراويها!!
امني النفس بالفرحة معك يا عمري الباقي
دخيلك لاتخيبها.. ولاتغتال امانيها
