ماني على المقفي حريص.. وشفقان
يمكن على بعده رضاي.. وهنايه!!
او بعد ما يشبع تنحي وهجران
يقبل وارحب فيه واعلن.. رضايه
طبع التسامح ميزتي راس عنوان
ولا خير في دنيا مداها.. النهايه
فكر بها تفكير مخطي.. وندمان
وافتح لبيبان التسامح.. بدايه
دنياك يالمخلوق في شأنها.. شان
من هي صفت له يوم باقيه.. تايه!!
فكر بها كان انت للخير.. رغبان
فكر بها مادام عندك.. درايه
كانك تبي طول العمر كيف.. مازان
مرتاح في دنياك للخير.. رايه
اقبل على كل المواجيب.. يا فلان!!
بعض الصدود احيان.. ذنب.. وجنايه!!
والخاتمة خذها من القلب واللسان
من واحد يطلب طريق.. الهدايه
وكان انت في تال العمر ناو.. الاحسان
عليك بالاصلاح.. قبل النهايه!!
