سلام يا ساس الوفا والأماره
سلام يا من صرت للمجد عنوان
سلام من مخلص بأفضل عباره
نقولها من قلب واحساس ولسان
سلمان نور البادية والحضاره
ونصف العرب قاموا يسمون سلمان
يبون مثله بالكرم والمهاره
لا شك ما يطلع مثل طير حوران
العز كانه تاج فانت شعاره
وإذا سفينه بالبحر فانت ربان
في كل مجد مستحل الصداره
عسى لك التوفيق في كل ميدان
يا راعي النخوه صدوق العباره
يا مزبن اللاجين يا غيث الإحسان
العز بعيونك تقادح شراره
وقلبك لنا يا أمير باللطف مليان
طيبك لو أنه سلفة واستعاره
يمديه خلص واعتبر في خبر كان
لا شك طيبك ما خذه عن جداره
مثل البحر زاخر على مر الأزمان
للطيب في وجهك علامه واشاره
حاكم ومتواضع وللعدل ميزان
انت الامير اللي حكيم قراره
نسل الزعيم اللي حفظ حق الإنسان
عبدالعزيز اللي بطوع اختياره
حكم بشرع الله على خير الأديان
ومجده سلاطين بخطة مساره
لهم الولا من شعبهم سرواعلان
واختامها مني بأفضل عباره
دمتوا لنا يا أهل الوفا عز الأوطان
