اظماك لا نام المساء واوقض العين
وقام الخفوق بدورك فالمحاني
مالك زمان وكن لك غبت عامين
استغفر الله وانت مالك ثواني
الناس وشف الناس لاغبت مقفين
وكن الفرح لا غبت لجلك نساني
ياكلهم وش يجمع الوصل والين
كله كلام ويختلف بالمعاني
ثم ألقى غزلية أخرى منها:
إلى صاحب كله حلا وغرور
عينه طويل الرمش قتاله
يخطى عليَّ واقول له بغرور
ما هو بطيب مير ما حتاله
وش حيلتي فالمنهي المأمور
على صدر شمسه وقف خاله
خلي عطى شمس العصاري نور
وينه ليل العشق في شاله
بعدها عاد للهدايا ومنها:
كثر الهدايا ما تزود المحبه
داعي الهوى هديته قلب احساس
واللي يحبك لا درى انك تحبه
تصير له قلب ونظر عين وأنفاس
يا اللي ذبحك الشوق تكفى تنبه
هذا السهر فالعين له لون وأقواس
الشمع عنك الشوق دايم يشبه
في غيبتك لامن غدا الليل خرماس
